මුලින්ම මෙකට අදාලව පොඩි සිද්ධියක් කියලා ඉන්න ඕන. මේක මගේ පෞද්ගලික අත්දැකීමක්. ඒනිසා සිද්ධියෙහි සත්යතාව පිළිබඳව මම සහතික කරමි.
දිනය 2011-05-27.වෙලාව ප.ව.7.00 පමණ.
කොළඹ-නුවර මාර්ගයේ බැලුම්මහර බස් නැවතුමෙන් 180-නිට්ටඹුව-කොළඹ බස් එකකට මම නැග්ගේ කඩවතට එන්නයි. මට සීට් එකක් හම්බුනා.
එතනින්ම බස් එකට ගොඩ වුන යාචකයෙක්, සරලවම කියනවනම් හිඟන්නෙක්, තම සුපුරුදු දේශනාව පටන් ගත්තා. යාචකයෙක් කිව්වට යාචක පවුලක්! අවු 1ක විතර පොඩි දරුවෙක් වඩාගෙන. දරුවා අරගෙන භාර්යාවත් සමග පැමිණිමට හේතුව ඔහු විස්තර කලත්, එය කිසිවෙකුට පැහැදිලිව තේරුනේ නෑ.
යාචකයො දරුවො අරගෙන ඒම සම්බන්ධයෙන් පොඩි දෙයක් මම කියන්නම්...
යාචකයො දරුවො අරගෙන එන්නේ, වැඩි අනුකම්පාවක් ලබාගෙන ආදායම වැඩි කරගැනීමටයි. මෙම දරුවෝ අතරමගදි හඩමින් කරදර කිරීම වැලැක්වීම සඳහා ඔවුන් එම දරුවන්ට නිදි පෙති ලබා දෙති. යාචකයන් විසින් වඩාගෙන එන කුඩා දරුවන් නිතරම නින්දේ පසු වන්නේ මේ නිසයි.
නැවතත් සිද්ධියට යමු. තරමක් උස් හඩක් සහ හොඳ කථිකත්වයක් තිබූ ඔහු, මුදල් අපේක්ෂාවෙන් බස් රථයට ගොඩ වුන හේතුව කියන්නට විය. අන් යාචක දුක් ගැනවිලි වල සාරාංශයම එහි තිබුනත් අසා සිටින්නන් ගේ අවධානය ලබාගැනීමේ හැකියාවක් ඔහුට තිබුනි.
දුක් ගැනවිල්ල අවසානයේ ඔහු පොත් ටිකක් අතට ගත්තේය. වෙනසක් නැත! බස් එකේ සියලු දෙනාටම පොතක් බැගින් අතට දෙන්නට ඔහු උත්සහා කලේය. නමුත් පොත මිලදී ගැනීම ප්රතික්ෂේප කරපු බොහෝ දෙනා ඔහු අතට මුදල් ලබා දුන්නෝය. මට විශ්වාස කිරීමට අපහසු දෙයක් සිදු වුනි.
ඇතැම් යාචකයින්ට බස් රථයකින් රු 10/=ක් වත් එකතු කරගැනීමට නොහැකි වූ අවස්ථා මා දැක තිබේ.
නමුත් මොවුන්ට මගීන් විසින් ලබා දුන් අවම මුදල රු 5/= කි. උපරිමය රු 100/= කි !
(රු 20/= සිට ඉහලට අධාර සඳහා ඔහු අධාර මුදල සඳහන් කරමින් ස්තූති කලේය)
දැන් අපි පොඩි ගණනය කිරීමක් කරමු.........
මාගේ අදහස අනුව මා ගමන් කල බස් රථයෙන් ඔහු ලැබූ මුලු මුදල රු 500/= ක් පමන වේ.(මා දුන් රු 10/= ද ඇතුලත් ව)
ඔවුන් එම බස් රථයේ ගතකල කාලය විනාඩි 15 කි.
එසේනම් පැයක් තුලදී අවම වශයෙන් බස් 3ක් ආවරණය කිරීමට හැකි ලෙස උපකල්පනය කරමු. (එක් බසයකින් බසින ස්ථානයෙන්ම තව බස් රථයකට ඔවුන් ගොඩ වේ)
එසේනම් පැයකදී ඔවුන් ලබන දළ ආදායම රු 1500/= යි. (500/= * 3)
දිනකට අවම වශයෙන් පැය 10ක් ඔවුන් මෙම කාර්යයේ යෙදෙති.
එවිට දිනකදී දළ ආදායම රු 15,000/= ක්.
තවත් හෙළිදරවුවක්...
මෙකී යාචකයන් මෙම කාර්යයේ යෙදෙන්නෙ තනි තනිව නොවෙ. ඔවුන්ටත් යාචක සංගම් තිබේ.
වෘත්තිය සමිති !
මේ සංගම් වලට ප්රධාන මුදලාලි කෙනෙක් සිටියි. යාචකයන් සේවයේ යොදවන්නේ මොහු විසිනි. සියලුම යාචකයන් තම දෛනික ආදායමෙන් කොටසක් මොහුට ගෙවිය යුතුය.
මොහු ලබා ගන්නා කොටස 50% යැයි උපකල්පනය කරමු.
එසේනම් මෙකී යාචකයාට දෛනික ශුද්ධ ලාභය රු 7500/=.
මාසයේ දින 25 ක් වැඩ කරන බව සිතමු.
එවිට මාසයක් සඳහා අපේක්ෂිත දළ ලාභය රු 187,500/= !!!
මෙය විශ්වාස කිරිමට පුලුවන්ද??
ඔබට මා අවිශ්වාස නම්, මෙසේ කරන්න!
මා සිටි බස් රථයෙන් ඔහු ලැබූ ආදායම රු 100/= බව සිතා, පෙර පරිදිම ගණනය කර බලන්න. අවසන් පිලිතුර රු 37,500/= වනවා ඇත.
(නමුත් මා කියූ රු 500/= සත්යයකි. මන්ද, ඔහු ලැබූ බොහෝ ආධාර රු 50/= සහ 20/= විය.)
ශ්රී ලංකාවේ රාජ්ය සේවක අවම මාසික වැටුප රු 11,000/=කි!!
(මා දන්නා පරිදි)
