ශ්රී ලංකා පොලීසියට නවකයන් බඳවා ගන්නා සම්මුඛ පරීක්ෂණයකි.
නවක තරුණ අයදුම්කරුවෙකු පොලීසියේ ඉහල නිලධාරියෙකු ඉදිරියේ වාඩි වී සිටියි.
අයදුම්කරු ගේ සහතිකපත් ආදිය පිරික්සූ ඉහල නිලධාරියා, තරුණයාගේ සාමාන්ය දැනුම පිරික්සීම සඳහා ප්රශ්න කීපයක් ඇසුවේය.
නිලධාරියා : "එහෙනම් පුතා.. කියන්න බලන්න 'කව්සිළුමිණ' ලිව්වේ කවුද? "
අයදුම්කරු ඔලුව කසමින් කල්පනා කරන්නට විය. උත්තරය ඔහුට මතක නැති පාටය...
මේ අතර පොලිස් නිලධාරියාට හදිසි රාජකාරියකට බැහැරට යන්නට සිදු විය.
නිලධාරියා : "කමක් නෑ .. හදිස්සි නෑ.. කල්පනා කරලා කියන්නකෝ..."
තරුණයාට එසේ කිවු නිලධාරියා එලියට යන ගමන් වෙනත් කොස්තාපල් වරයෙකු අමතා,
"මම එනකල් අර කාමරේ ඇතුලෙ ඉන්න කෙනා ගෙන් 'කව්සිළුමිණ' ලිව්වෙ කවුද කියල අහල තියාගන්නවා..".
විනාඩි 10 කින් ආපසු පැමිණි නිලධාරියාට නිලකාමරය තුල දකින්නට ලැබුනු දර්ශනය මෙසේය...
පුටු පෙරළී සී සී කඩ විසිරී ඇත.
තරුණයා සිහි සුන්ව අත පය විහිදා ගෙන මේසය මත පත බෑ වි සිටී...
නිලධාරියා :"කොස්තාපල් ! මොකද්ද මෙතන සිද්ධ වුනේ ??"
කොස්තාපල් : "සර් නිකන් මේ කබ්බ කොල්ලො හුරතල් කරනවා... බලන්නකො සර්.. මම මූට දෙකයි ඇන්නෙ, ඔය යස අගේට ඌ පිලිගත්තෙ 'කව්සිළුමිණ' ලිව්වෙ ඌ කියල.....!"
No comments:
Post a Comment